كل ما يجب معرفته عن التداول بالعملات Forex




【شناهو الفوركس؟】

ببساطة الفوركس هو تحويل العملات ولهدا سميتو الاصلية هي For exchange .و كيتم البيع والشراء فيها وماشي غا العملات كاين دهب نفط... وهادشي كامل كيتم فواحد سوق عالمي لكيتعتابر من اكبر الاسواق فالعالم ولي كتوصل سيولة ديالو ل 5 ترليون دولار امريكي فنهار .كمعلومة هاد دومين قدييييييم بزاف كان موجود بشي 50 سنة قبل ميلاد المسيح ولكن مكانش بطريقة لكنعرفوه بها دابا.

【الفوركس حرام؟】

لا ماشي حرام حيت الفوركس راه واحد دومين قدييييم و فالعصور القديمة كان متلا ناس لبغاو ابدلو العملة تيمشيو عند واحد الشخص لكيدير هاد الخدمة اكان بالمقابل تياخد واحد العمولة ديالو اهاد الخدمة مكتعارضش الشريعة الاسلامية و فالفوركس الحديت لعندنا دبا ف 2020 راه نفس الكونسبت. نتمنى صحاب حرام اكونو قتانعوا 🙏 


【الفوركس فيه نصب ؟】

نعم فيه نصب اكاين 2 انواع ديال النصب. 

النوع الأول داك الشخص لكيمشي لمجموعات لكداعي كدخل لملاين فنهار اهو بلا ميتحقق كيمشي اكيحط فلوسو اكيديوها ليه 🤷‍♂️

النوع التاني هو لكينصب على راسو براسو 😂 كيفاش؟


داك النوع لكيتعلم فسيمانة ابلا مياخد الوقت تيتعلم مزيان ايخدم فديمو كيتلاح ابدا، هاد النوع كنسميه انا كنصب على راسو براسو حيت ديك الفلوس اتمشي اتمشي .

【شنو ايخصني باش نبدا ؟】


ايخصك تعلم اتصبر اتستتمر وقتك فتعلم و تجرب فديمو تتحس براسك شديتي دومين.


ايخصكم بروكر -Broker . البروكر هو داك سمسار لكيتوسط بينك وبين البورصة ، حيت حنا ك Des particulier منقدروش ندخلو بورصة خاصنا وسيط اعطاهم الله اهوا حاولو تلقاو شي واحد تقة.

ايخصكم راس المال لكيبدا من 2000 درهم واقل حاجة 1000 درهم.

ايخصكم تعرفو وتقتانعو بلي هاد دومين فيه الخسارة ورباح ولكن كنتعلموا باش نقللو ونتجنبو الخسارة ماشي باش نبقاو اربحو.