اشناهو ال DropShipping و كيفاش يمكن ليا نجني منو الفلوس؟



ببساطة هو التجارة على الانترنيت💻 يعني تشري منتوج من Ali Express ولا من Amazon .... و تعاود تبيعو بثمن زايد شوية💰 على شي منصة أخرى بحال Ebay مثلا و هاشي كامل بالبحث على المنتوج📦 المناسب ولي عارفو غايتباع و عليه الطلب كبير📉 و تهز تصاورو و الوصف ديالو و تعدل عليه شوية و تحطو فمنصة أخرى بحال لي قلنا فاللول و فاش غايشري من عندك شي واحد داك المنتوج مثلا المنتوج كايدير 5$ نتا غادي تمشي تهزو و تعرضو للبيع ب 8$ اولا 9$💱

المشتري غايشوف المنتوج لي حاطو نتا و غايقرى الوصف و غايبغي يشريه غايبعث ليك العنوان ديالو و الاسم📑 ...

غاتدير العنوان ديالو و الاسم ديالو.... و غاتكليكي على الخيار ديال الارسال كهدية🎁 باش ملي توصل البضاعة لخونا مغايكونش مطبوع فيه اللوغو ديال المنصة لي شريتي منها و مايدي مايجيب حيت ماجاتش هو شاري من عندك السلعة و تجيه من بلاصة أخرى و غايعرف راسو تقولب و يقد يبلغ بيك📵

اشنو غاتحتاج ؟

غاتحتاج اسيدي حساب بايبال و يكون مأكد بفيزا💳 و من الاحسن e-shopping باش تشري بيها من الانترنيت و تقدر حتا تسحب بيها من لبايبال و غاتحتاج حساب فالمنصة لي غاتخدم بيها مثلا ebay و صااافي هانتا خدام💼


مفتاح النجاح في مجال التجارة💲 عن طريق الـ DropShipping هو المنصة لي غاتشري منها (Ali Express/ Amazon...)، هادشي لاش حاولت نجمع ليكم في هاد البوسط أفضل 5 مواقع لي تمكنك باش تخدم في Drop Shipping بلى تا مشاكل👍

▶ Ali Express :


كايتعتابر Ali Express من أقوى💪 المواقع للبيع بالجملة والـ dropshipping على مستوى العالم، الموقع تأسس في سنة 2012، منصة Ali Express في الصين كتساوي منصة Amazon، حيت كايتباعو فيها ملايين المنتوجات في بزاااف المجالات📦📦
هو متعلق📥 بزااف بمجموعة Ali Baba حيت كايديرو منتوجات رخاص بزااف و كايمتازو بالكليان👥 ديالهم لي كاين ف جميع أنحاء العالم🌎

▶ DHgate :

هاد الموقع اسيدي متخصص ببيع الأجهزة الإلكترونية📦 و كايسمح ب Drop Shipping و الببع بالجملة

الموقع تأسس في 2004 و كايتعتابر من أقدم المنصات لي كتساعد على dropshipping حيت معظم المنتوجات ديالو رخيصة و بكاليطي📊 مزيانة📈

▶ SheInside :

أكبر منصة لبيع الملابس👕 و الموضة....
هاد المنصة الصينية فاش تحلات في 2008 باعت كثر من مليون منتوج ب dropshippig و كايسمح بأنك تستعملو و تستفاد منو👌

▶ Tmart :

هاد المنصة باش كاتعتابر ممتازة على كاع هاود لي دوزنا هي أن التوصيل فااابور💸 و لجميع أنحاء العالم
هو متخصص بالمنتجات الإلكترونية💻 و لكن مع ذلك كايبيع منتجات من فئات مختالفين و و كايسمح ب dropshipping👌 

▶ DealExtreme :

موقع جملة صيني معروف على مستوى العالم
تأسسات المنصة كثر من 10 سنوات وكايتعتابر من أشهر المنصات لي كتوفر خدمة الـ dropshipping في العالم🌍.

Peace Out✌


#Ivan