Le marketing d'influence | التسويق بالتأثيـر



Le marketing d'influence | التسويق بالتأثيـر 📡📊

بلا شك اننا كولنا عندنا حساب على الانستڴرام👥 او كولنا كنتفرجو فيوتيب📹 او كنلاحضو بزاف ديال المؤثرين كيديرو الٳشهار لبعض الشركات و المنتوجات, ولي الشركات كتلجٲ ليهوم من اجل تسويق اسمها🆔.

هذا المصطلح كيعنــي ايضا انك تتنمــي واحد العلاقة تسويقية و بطريقة استراتيجية مع بعض الاشخاص لي كيتعتابرو مؤثرين علێ الٲمة فواحد المجال معين🌐، و التٲثير ديالهوم تيكون عن طريق قنواتهم و حساباتهم علێ مواقع التواصل الاجتماعي لي بدورها تتوفر على عدد هائل من المتابعين سواء كانو نشطاء او غير نشيطين.

ملي كنقولو تأثير فماشي بالضرورة يكون ٳيجابي✅ انما يقدر يكون سلبي❌ او يقدر يكون ماشي ايجابي ماشــي سلبي ٳنما تافه ميستاهلش كاع تصنيف او هو النوع الكثير فالمغرب، التأثير عندو بزاف ديال التجليات، سوى فيديو سوى تدوينة، سوى سطوري قصير...

علاش الشركات كيتوجهو بزاف لهاد التسويق عوض التسويق الكلاسيكي ؟

⓪ اولا كيتقام رخيص عالشركة مقارنة بتقنيات التسويق الكلاسيكي

⓪التٲثير او الفعالية ديال هاد النوع تتكون كبيرة بزاف و ذلك حسب المؤثر لي اختاريتي و حسب عدد المتابعين النشطا۽ ديالو وطريقة ايصالو للمعلومة

⓪ هاد النوع تيخلق للحملة الاشهارية ديال الشركة ارقام اقل ما يقال عنها خيالية ولي كتوصل حسب بعض المؤشرات ٳلێ 90% دالفعالية و ذلك راجع ٳلێ انك تتكون مسيــبلـي واحد الطبقة من المجتمع لي بغيتي نتا و الاهتمامات ديالها كيصبو فمصلحة منتوجك و اسمك.

بس: التسويق بالتأثير يقدر يعود علێ الشركة بنسب كبيرة من الارباح كيفما فنفس الوقت يقدر يمس ليها بالاسم و المصداقية ديالها او هادشي بطبيعة الحال ٳلێ كان المؤثر كينتامي لديك الطبقة لي قلنا قبيلا 😁 ولكن متخافش، إلى تلاقا مؤثر باسل معا متلقي مكلخ فغالب الٲحيان تيبيعو العجل.

و السلام ♥️

#HKG