بعض المواقع لاختبار مهاراتك وقدراتك في اختبار الاختراق


السلام , نهار لحت ليكم الدورة نتاع كيفاش تولي هاكر بنادم سولني فين تعلم هادشي و عطيتكم هاد السيت cybrary.it لمهم هانتا تعلمتي و ساليتي يعني خاصك فين طبق طبعا هادشي شرحتو سيرو ليبوسط ديالي اتلقاو كولشي دابا نجيو لفين غادي طبق اتقلب على مفهوم ctf و حتا هادي ديجا شرحتها ليكم ماعلينا نعاود نشرحها بالخف هوما واحد المسابقات نتاع الهاكينغ كيعطيوك شي مهمة و نتا كتحاول تنجزها مثلا تفك تشفير شي ملف نصي اولا تحصل على صلاحية الادمين فشي جهاز اولا تجبد ملف نصي من شي صورة عبر بتقنيات staganography الخ ولكن فين اتلعمو هادشي هادا هو موضوعنا ليوما اولا كين سيت معروف ديما كنلعب فيه كيعجبني صراحة بالمميزات ديالو كتلاقا مع ناس فالهاكينغ و عندهم فوريم زوين و حتا هندسة الموقع زوينة و واعرة سميتو hackthebox طبعا هاد الموقع فيه العديد من المميزات لكيخليوك تبغيه من انه بلا متحتاج طيليشارجي شي ماشين فقط يكون عندك openvpn و مرحبا بيك ولكن ماش غير اجي و تسجل فيه خاصك تلقا invite code راسك و هنا فين كتبانليك الاحترافية نتاع الموقع طبعا كينين دروس كيفاش تلقاه , ندوزو للثاني موقع و كيعجبني تاهو صراحة و ليهو vulnhab هاد الموقع فيه بزااااف نتاع الانضمة و شبعانين ثغرات مصيبينهم هاكرز نتا ماعليك غير طيليشارجيهم و حاول تحل المهام ديالهم على حسب اش مطلوب منك ندوزو لاخر واحد و تاهو اينفع الدراري ليعاد باديين فالهاك و سميتو attackdefense هدا كيعطيك مهمات صغار تلعبهم مثلا كيفاش دير فحص بادوات اولا كيفاش تلقا الهاش ولاشي حاجة بحالهاكا و زايد عليهم انه فيه حتا هو انضمة قابلة للاختراق لتقدر تلعب فيهم و الزوين فهاد الموقع انه واخا عندك وندوز و ماشي اي لنكس تقدر تلعب بحيث انه كيعطيك تخدم بكالي لينكس ديريكت من السيرفر لمهم قبل منسالي البوسط راه التصويرة فيها شي ادوات الا بغيتو تلعبو تقدرو تخدمو بهم راهم مفيدين <3 .

الروابط تاع هاد المواقع :