كورس الدروبشيبينغ اباي بالدارجة المغربية


🌷 كورس الدروبشيبينغ اباي🌷 

السلا م عليكم ادراري ...المهم غانبداو فهاد الكورس بالاساسيات ديال الدروب شيبينغ ..و واش خاصك باش تبدا .. وشنو المشاكل لي خاصك تدير بالك منهم ..وبعض الادوات لي يقدرو ينفعوكم ..واخيرا بعض الاسئلة و الاجابات باللغة الانجليزية لي غاتحتاج باش تواصل مع الزبون . نبدااوو 🌻

شنو هو الدروب شيبينغ ؟؟


بالنسبة للناس لي بغاو يبداو التجارة عبر الانترنت ولكن ماعندهمش الراسمال باش يشريو المنتوجات و يخزنوها عندهم ولا ماقدروش يتحملو التكاليف ديال الشحن و زيد و زيد ... داكشي علاش الناس بداو عملية الدروب شيبينغ بحيث انك تقدر تبيع و تشري و نتا جالس حدا البيسي ديالك .

الدروب شيبينغ هو انك غاتمشي تهز تصاور واحد البروداكت من شي موقع كايبيع باثمنة رخيصة و غاتمشي تلوحهم فموقع اباي بواحد الثمن لي يخليك تربح واحد النسبة د الارباح ... يعني فاش غايجي بنادم يشري عليك نتا غاتهز من فلوسو و تمشي تشريلو داك البروداكت من داك السيت ديريكت للعنوان ديالو وهانتا رابح يعني الى بعت غا خمسة ديال لي بروداكت وكل واحد رابح فيه دولار يعني فالنهار غاتبقى تربح خمسة دولار حلالا طيبا .. يعني نتا غاتكون غا وسيط [...]

علاش بالضبط البيع في منصة اباي ؟

موقع اباي كايتميز بواحد الطرافيك عالي يعني ماغاتحتاجش دير اعلان فالفايسبوك ولا شي ترويج باش تبيع .. فقط نتا غاتلوح البروداكت ديالك وكاتستغل دوك الملايين د الزيارات لي كايجيو كل نهار باش يشريو شي حاجة و غاتبيع .

واش غاتحتاج راسمال ؟

هادي شحال قبل مايكثروو المغاربة فالضومين كان يمكن لاي واحد يبيع و يشري بلا راسمال فقط من الفلوس د الشاري تعاود تشريلو و تحتفظ بالباقي .. ولكن كيما كاتعرفو المغاربة معروفين بالنصب و الاحتيال مكيخدموش قانونيا ... لهذا فاش كاتكون جديد و كايشري عليك شي واحد ..ديك الفلوس كادوزلك للبايبال ولكن للهولد ..يعني فلوس مجمدة ماتقدرش تستعملها حتى كادوز واحد المدة ديال 21 يوم عاد يمكنلك تجبدها ولا تشري بيها و هاد السياسة دارتها بايبال غا للناس الجداد باش تاكد واش نصابة ولا باغيين يخدمو من نيتهم .. ولكن نتا ماتقدرش تخلي الشاري 21 يوم كايتسنى حيت غاطيح معاه فالمشاكل لهذا نتا كايكون عندك راسمال كاتشريلو من عندك و فاش كادوز ديك المدة كايدوزلك الفلوس للبايبال مع الربح طبعاا [...]

شحال فالراسمال ؟

غاتحتاج مبلغ بسيط على حساب نتا شنو باغي تبيع يعني الى باغي تبيع الاكسسوارات راه كايديرو اقل من دولار و نتا ضرب حساب شحال من واحذ غايشري عليك و فاش يتقاضى الراسمال وكان باقي المنتوج كايتباع ديرلو ايقاف حتى يدوز الصرف من الهولد [...]

شنو هوما المواقع لي يمكنلك دير بيهم الدروبشيبينغ ؟

طبعا ماشي اي موقع يمكنلك دير منو الدروب شيبينغ ..وعلاش بالضبط هاد المواقع ؟؟ حيت غايوفروو ليك منتجات باثمنة رخيصة تخليك تربح واحد نسبة د الارباح جيدة ..ماغاتكونش شي لوغو ديال شي شركة فالمنتج ولا شي علامة كاتبين انك دروب شيبر (باش فاش يوصل للشاري المنتوج مايمشيش يقلب عليه فالموقع لي كاين لوغو ديالو فالكرطونة و يلقى ثمن اخر ) .. و كذلك فهاد المواقع غاتلقى الاغلبية مصنعين و بائعين بالجملة يعني غاضمن اقل سعر ممكن للمنتوج 

من بين افضل المواقع :

  • AliExpress – أقوى موقع للبيع بالجملة والـ dropshipping على مستوى العالم
  • DHgate – أفضل موقع لبيع الأجهزة الالكترونية عن طريق الـ dropshipping
  • SheInside – أكبر مورد ملابس باستايلات جديدة وعلى الموضة
  • Tmart – اختيار ممتاز وشحن مجاني لجميع أنحاء العالم
  • DealExtreme – موقع جملة شعبي ومعروف على مستوى العالم يوجد في هونغ كونغ
  • MiniInTheBox – يقدم اكسسوارات متعلقة بالتكنولوجيا رائعة وبأسعار مميزة
  • NEDIS – موقع ألماني رائد في السوق العالمي بأكثر من 17،000 من المنتجات المعروضة للبيع
  • PandaHall – أفضل مكان للخرز والملابس والاكسسوارات بأكثر من 30،000 مقالاً
  • BangGood – موقع dropshipping مشهور جدا ومعروف بالصفقات الممتازة وأسعار الجملة المناسبة للجميع والعروض المتعددة والخصومات
  • BigBuy – الموقع الحائز على جائزة أفضل موقع للبيع بطريقة الدروبشيبينج ومقره في أوروبا[...]

كيفية التعامل مع الثمن ؟

دير بالك فاش تحط شي بروداكت على :

- رسوم موقع PayPal, رسوم الصفقة, تكلفة الشحن،كما يجب الأخذ بعين الاعتبار تكلفة مواد التعبئة والتغليف.

يعني هادشي كامل غادخلو فالثمن ديال المنتج ولا فالتاكاليف د الشحن و تزيد واحد النسبة صغيرة د الربح كبداية .

طريقة حساب الصحيح للثمن الذي يجب وضعه لتفادي الخسارة (في منشور قادم لتفادي ملل القارئ)
واخيراا ....
المرجوا التفاعل مع المنشور تقدير للمجهود فقط ..و ترقبو في المنشورات القادمة :
ادوات ومواقع تسهل البيع و الشراء و توفر الكثير من الجهد عليك ..
موقع يقوم بحساب الثمن الذي يجب وضعه لتفادي الخسارة فقط يجب عليك اعطاءه بعض المعلومات و كم تريد ان تربح ..
محادثات جاهزة احترافية بالانجليزية للتواصل مع العميل او المستورد ...
خدع و نصائح ستفيدك كثيرا ..
بعض المشاكل الشائعة و طرق حلها ..