ما هو keylogger ؟ و كيف تقوم هذه البرمجيات الخبيثة بسرقة معلومات والتجسس عليك ؟



ماميمكنش تكون ماسمعتيش ب keylogger لمهم لمكعيرفوش نشرحو ليكم بالخف باللغة العربية ديال ولاد الشعب كنقولو ليه مسجل لوحة المفاتيح كيستخدموه الهاكرز اغلبية باش يسجلو اش كتبتي من الكلافي و كدا ولكن ليماعارفش بنادم ان هاد keylogger فيه زوج انواع راه ماكينش غير software راه كين واحد النوع كنقولو ليه hardware keylogger يعني ماشي برنامج غادي تانسطاليه فجهاز الضحية و انما هاد hardware keyloggers عبارة عن اجهزة كتزرعهم فلوحة المفاتيح و لا computer ديريكت و كين لكيقول ليه HKL هاد القوادة كاملة كيستعلوها اغلبية الهاكرز في حالة مقدروش يختارو الضحية اولا شي شركة و هنا كيتعملو الهندسة الاجتماعية ديال انهم كيقدمو ليهم kayboards يخدمو بيهم و كيكون مزروع فيهم هاد خونا فالله HKL و حتا فالنوع ديال hardware keylogger غادي تلقا بزااف نتاع الانواع بحال مثلا غادي تلقا واحد سميتو ps/2 keylogger و واحد اخر سميتو pci keylogger ولا Mini-pci keylogger for laptops هاد الزوج انواع كيتركبو فمنفد usb ولا منفد ps/2 هاد الزوج ساهلين باش يتركبو و يتحيدو لمهم كين نوع اخر هو pci HKL هاد العبيط ناضي بجهد حيت ميمكنش يكشفوه بسهولة بحال لاخرين بحيث انه كيتركب ف motherboard نيشان عن طريق منافد pci بحال فاش كتبغي تركب شي كارط مير ولا كارط ويفي , لمهم هادو واخا زايدين ساهلين شوية ههههه اما راه كين واحد النوع تا راه بوحدو بحال داك الزعيم لمكيدويش بزاف و كنسميوه built-in ولا trojan keyboard هاد الزوج انواع كيتشابهو بلي كيترزعو ف الكلافي ولكن كيختالفو ان الاول داك built-in تقدر تركبو فاي kayboard ولكن خاص خونا لغادي يركبو يكون محترف و كيفهم فالهاردوير ماشي بحال الثاني حيت trojan keyboard كيكون واجد تقدر تشري keylogger ملصق ف kayboard واجد نتا غير فرقو و خدم بيه .


#lelouche