كيفاش يمكن نولي هاكر أو مختبر اختراق ؟ ( الجزء الثاني )


هانا رجعت لولوش بب ❤️

كيفاش نولي هاكر (الجزء الثاني) 🤔 ?

من بعد ماشفنا فالبوسط اللول (غادي تلقاوه فالتعليق ) , الي تطرقنا فيه للمجموعة من المفاهيم او بمعنى المتطلبات او المهارات لخاصك تكون فاهم باش تبدا فهاد الضومين 😊 .

ليوما انشاء الله غادي نديرو واحد التقدم 😍 بحيث غادي نوريكم الشهادات لتقدرو تقراو ✌️ باش تاخدو هاد المهارات انشاء الله 🔥.

🔰 بس : قبل منبداو بغيتك من ليوم تحيد دوك الافكار المغلوطة حول ان الهاكر كيدير قبية ا كيكتب بالزربة ا الكتابة بالخضر داكشي غير صناعة سنمائية .

نبداو على بركة الله !!
⚊⚊⚊⚊⚊⚊⚊⚊⚊⚊⚊⚊⚊⚊⚊⚊⚊⚊
🔼 اليكم الشهادات , اكول وحدة علاش خاصك تقراها :

✅A+ : هاد الشهادة غادي تعرفك على الحاسوب من الصفر اكتعتابر من اهم الشهادات لخاصك تبدا بيهم كيف كتفهمك كل ما هو متعلق بالهاردوير االقطع ديال الحاسوب بالتفصيل الممل ا اصلاح مشاكل الحواسيب ا غادي تدخل معاك فكل ماهو مختص بالسوفتوير لمهم البداية ديالك غادي تكون مه خاد الشهادة

✅Network + : تسالي من الشهادة اللولة مباشرة دوز لهاد الشهادة حيت هنا غادي تعلم كل ماهو مختص بالشبكات من الصفر كتبدا معاك حتاهي لمهم فاش غادي تسالي هاد الشهادة غادي تكون قادر تسيير شبكة بوحدك ا كنصحك تركز عليها مزيان اتفهمها حيت هي لغادي تخليك تفهم شحال من حاجة فاش غادي نوصلو انشاء الله لمراحل اختبار الاختراق

✅Linux + : صديقي تسالي دوك جوج شهادات دوز عند الحاج لنكس حيت هنا غادي تبدا توضاح ليك الصورة ديال علاش خاص اي واحد كيسمي راسو هاكر يتعلم لنكس هنا بالضبط غادي تعلم كل مايخص لنكس الاوامر ديالو , التعامل مع :
- run levels 
- installation planning 
- file system 
- file system hierarchy 
- manage & create links ...Etc

✅Security + : ساليتي داك الثلالي , كنبغي نقوليك مرحبا بيك فالهاك الا كان هاد المفهةم غادي يعجبك ... لمهم هنا فهاد الشهادة غادي تستماع مزيان حيت هنا غادي الهجمات ديال الاختراق ا الحماية ا الاساليب ليكستخدم الهاكر الصراحة فاش غادي توصل لهاد الشهادة اتساليها غادي تكون حسن من شحال من واحد كيسمي راسو اهو غير مكبق للشروحات .
⚊⚊⚊⚊⚊⚊⚊⚊⚊⚊⚊⚊⚊⚊⚊⚊⚊⚊

الصراحة مابغيتش نطول عليكم ههههه لمهم اخوتي هاد الشهادات ليعطيتكم كيتسماو comptia family حيت ديال واجد الشركة عندها بزااف ديال الشهادات ولكن انا جبت ليكم داشي الاساسيات اغادي تحتاجو الجزء الماجي نكملو الشهادات 😍😊 .

حاجة خرا بالنسبة ل Network + راه كينا واحد الشهادة مماثلة ليها سميتها Ccna هاد الشهادة مزيانة حتاهي من عند شركة سيسكو نزيدك حادة خرا هاد الشهادات راه الا قريتيهم تقدر تدوز الامتحان ديالهم اتخدم بيهم راه معترف بيهم دوليا , انشاء ندوي على هاد الموضوع .

كنتمنا تقراو علا ريوسكم باش نطورو من المجموعة خليك من كيفية اختراق فيسبوم اخويا راه تضياع الوقت .

#lelouche